إنشاء و إدارة المتاجر الإلكترونية
خدماتنا > تفاصيل الخدمة
ثقة … العميل تبنى بالهدوء و المُتابعة
التفاصيل الصغيرة تستهلكك ؟ رفع منتجات ، ضبط أسعار ، رد على استفسارات ، متابعة طلبات و تلقى نفسك فى الأخير مشغول بإدارة المتجر أكثر من تطوير المشروع نفسه ، حنا في سطوع نتحمّل عنك التعب اليومي و ندير المتجر باهتمام حقيقي كأنه مشروعنا حنا ، مو بس تنفيذ مهام لكن قراءة حركة السوق ، و أسلوب التفاعل مع العميل ، و تطوير مستمر في الخلفية وأنت تشتغل على الصورة الكبيرة لحلمك
كــــــــــــــــــيف… نعملها ؟
نبدأ بتنظيم المتجر من الأساس نراجع إعداداته ، نقسمه بشكل واضح ، نرفع المنتجات صح نكتب وصف يبيع مو بس يشرح ، و نضبط خيارات الدفع و الشحن حسب جمهورك و طبيعة سوقك
نتابع الطلبات بشكل يومي و نتأكد إنها توصل بوقتها ، و نتواصل مع العميل إذا صار أي تأخير أو تعديل بأسلوب محترف يحافظ على صورتك قدّام عميلك
نراقب المخزون و ننبهك أول بأول بحيث ما نخلي أى منتج يخلص فجأة ولا نخليك تسمع من العميل قبل ما تدري ، لأننا نتابع مستويات المخزون يوميًا و نجهز لك تنبيهات فورية عند أي نقص ، و نساعدك في اتخاذ قرارات مثل هل تعيد طلب المنتج و لا ما فى داعي
نتابع أداء المتجر بعد الإطلاق و نحلل وين يشرد العميل ، و نشتغل على تعديل التجربة أول بأول بحيث نوصل العميل للحظة الدفع كل مرة من دون تأخير
نحلل أداء المتجر باستمرار و ما ننتظر نهاية الشهر علشان نشوف وش صار ، حنا نتابع بالأرقام كل أسبوع وش المنتجات اللي تتحرك ، و وش اللي ما أحد يلمسها و بناء على كذا نعدل ترتيب المنتجات نراجع العناوين و الوصف ، و نعيد تسعير بعض القطع
نرد على استفسارات العملاء برسائل مدروسة و محترفة لان الرسالة اللي توصل متأخرة ، أو تنكتب بلا اهتمام ممكن تضيع صفقة و حنا نعرف إن العميل ما يسأل عبث ، كل سؤال معناه أنا مهتم بس محتاج أقتنع عشان كذا نرد باحتراف ، بسرعة ، و بلغة ودودة وواضحة ، و نعالج المشاكل قبل ما تتحول لتقييم سلبي أو سمعة سيئة