طريقة فحص المتجر

✦ وش نفحص؟

ستة جوانب تأثر على مبيعات متجرك، ولكل جانب وزن في الدرجة العامة حسب أثره على البيع.

✦ كيف نحسب الدرجة؟

• كل نقطة لها وزن حسب أثرها على البيع، والجانب ياخذ درجته من نقاطه.
• الدرجة العامة هي مجموع الجوانب الستة حسب وزن كل جانب.
• ما نخمّن أبدًا: إذا جانب ما انقاس (زي السرعة لما اختبار قوقل ما يرد)، نطلّعه من الحساب بدل ما نعطيك رقم من غير قياس.
• كل ملاحظة لها دليل من متجرك نفسه: القيمة اللي لقيناها بالضبط.

✦ وش ما نحكم عليه آليًا؟

فيه أشياء تعتمد على طريقة شغلك، فما نحسبها عليك في التقرير، ونناقشها معك:

• بكسلات الإعلانات (سناب، تيك توك، ميتا): تهم بس إذا تعلن على المنصة.
• التقسيط (تابي، تمارا): يفرق أكثر لما تكون أسعار منتجاتك عالية.
• حسابات التواصل في الموقع، وحجب محركات الذكاء الاصطناعي لو كان قرار مقصود منك.

✦ حدود الفحص

• نفحص الصفحة الرئيسية وصفحة منتج وحدة. التقييم الكامل لكل صفحات متجرك يكون معنا.
• الأرقام تتغير شوي من فحص لفحص، لأن سرعة الصفحة نفسها تتغير.
• بعض الإعدادات ما تبان في الفحص الآلي، زي البكسلات اللي تتحمّل بعد تفاعل العميل.
• إذا متجرك حاجب الزيارات الآلية أو مبني بطريقة ما تنقرا آليًا، يفحصه فريقنا يدويًا بدل ما نعطيك رقم غلط.
• كل تقرير يراجعه فريق سطوع قبل ما يوصلك.