تسويق متاجر زد: نشخّص، نصلّح، بعدين نكبّر
متجرك على زد وما يبيع زي ما تبي؟ نبدأ من داخل لوحتك، ونصلّح اللي يوقف البيع قبل أي ريال إعلان.
لو متجرك على زد، سطوع، وكالة نمو للمتاجر في السعودية، تشتغل معك على ثلاث خطوات: نشخّص المتجر بالتحليل الذكي ونشوف وين يوقف عميلك، نصلّح الصفحة والثقة والدفع وإعدادات تحسين محركات البحث في لوحة زد قبل ما نصرف ريال إعلان، وبعدها نكبّر القنوات اللي تجيب طلبات ونقيسها كل أسبوع بتقرير بالأرقام.
وش نشتغل عليه في متجر زد
زد تعطيك الأدوات. الفرق يجي من مين يشغّلها وبأي ترتيب.
- ١
سيو المتجر على أربع مستويات
في لوحة زد، من «المتجر الإلكتروني» ثم «تحسين محركات البحث»، تضبط أربع أشياء: الصفحة الرئيسية، والمنتجات، والتصنيفات، والصفحات الإضافية. وزد تنصح إن عنوان الصفحة يكون في حدود 70 حرف، وإلا قوقل يقصّه. نكتب العناوين والأوصاف لكل مستوى بالكلمات اللي يدوّر فيها عميلك.
تحسين محركات البحث (SEO) ← - ٢
ربط Google Search Console وخريطة الموقع
زد تدعم ربط متجرك مع Search Console، ومنه تنسخ رابط خريطة الموقع من لوحة زد وترسله لقوقل. نربطه، ونتابع منه أخطاء الزحف والفهرسة والكلمات اللي تجيب لك زوار.
تحسين محركات البحث (SEO) ← - ٣
مدونة المتجر
مدونة زد تخليك تضبط عنوان SEO ورابط SEO ووصف SEO لكل مقال وكل تصنيف، وتربط المقال بمنتجات ذات علاقة. نكتب محتوى يجاوب أسئلة عميلك ويوديه للمنتج مباشرة.
إدارة المحتوى ووسائل التواصل ← - ٤
السلات المتروكة بالأرقام
من «الطلبات» ثم «السلات المتروكة» في زد، تشوف إجمالي قيمة السلات المتروكة، وقيمة اللي تحوّل منها لطلبات، ونسبة الاسترداد. وتقدر تنشئ رسائل تذكير وتديرها. نكتب الرسائل، ونتابع نسبة الاسترداد، ونصلّح السبب اللي يخلّي العميل يترك السلة من الأساس.
تحسين معدل التحويل (CRO) ← - ٥
إعلانات سناب بعد ما يجهز التتبّع
من سوق تطبيقات زد ثم «تتبع الحملات»، تفعّل تطبيق إعلانات سناب وتثبّت Snap Pixel وواجهة التحويلات (CAPI). ما نطلق حملة قبل ما نتأكد إن البكسل يقيس صح.
الإعلانات الممولة ← - ٦
تحليلات لوحة زد
تحليلات زد تعرض أعلى المدن مبيعًا، وأعلى المنتجات مبيعًا، وملخص حالات الطلبات. نحوّل هالأرقام لقرارات: أي مدينة نستهدف، وأي منتج نقدّمه، ووين تتعطل الطلبات.
تحليل البيانات ← - ٧
تطبيق جوال ومنصات بيع إضافية
تطبيق الجوال في زد فيه إشعارات للعملاء، والدفع بـ Apple Pay، وخصومات خاصة بمستخدمي التطبيق. وزد تربط متجرك بمنصات بيع زي مزيد وأمازون وترينديول وجاهز، وتدير طلباتها من مكان واحد. نساعدك تقرّر أيها يستاهل الحين، ونشغّله.
تحويل الموقع إلى تطبيق جوال ←
للقراءة: تسويق متاجر زد: وش تسوي قبل ما تصرف ريال على الإعلانات · تحسين تجربة المستخدم في متاجر سلة وزد
كيف نبدأ
- ١
نشخّص متجرك
نقرأ رحلة عميلك بالتحليل الذكي، من أول زيارة لين صفحة الدفع.
- ٢
نصلّح اللي يوقف البيع
الصفحة، والثقة، والدفع، قبل أي ريال إعلان.
- ٣
نكبّر اللي يجيب نتيجة
ونقيس كل أسبوع.
التزاماتنا
- ما نحط ريال إعلان على متجر فيه مشكلة.
- تقرير واضح بالأرقام: كم صرفنا، وكم طلب جاء، وكم كلّفك الطلب الواحد.
- نطاق الشغل مكتوب في العقد قبل ما تدفع، ومعك شخص مسؤول تكلّمه مباشرة، وتقرير دوري.
- أول استشارة مجانية، ولا حد أدنى للميزانية، وتقدر تبدأ بخدمة وحدة.
- ما فيه عقود طويلة تحبسك. ولو ما شفت الأثر، تقدر توقف.
- الأدوات تلقط، وفريقنا يقرر. والقرار الأخير دايمًا لإنسان يفهم سوقك.
أسئلة التجار
إيه. سطوع وكالة نمو للمتاجر الإلكترونية على سلة وزد في السعودية.
افحص متجرك على زد مجانًا
تحط رابط متجرك واسمك وجوالك، وفريق سطوع يفحصه بأدوات ذكية في 6 جوانب، ويرسل لك على واتساب درجة عامة من 100، ودرجة لكل جانب، وأهم 3 أولويات. مجاني وبدون التزام.
افحص متجري الحين